Pengalaman

                Goar hu Lungun Ali Rusky Simbolon, doli-doli na tubu di tano batak. Au tubu di RSU.Sibolga di daerah Sibolga, Tapanuli utara, 18 taon na salpu. Di 18 taon au na mangolu on, nunga godang na hurasahon. Godang akka hal na menarik na adong di budaya ni halak batak na boi nihatahon.

                Hal na menarik na parjolo ima marga na adong di sude halak batak. Godang marga na adong di halak batak. Sahat nuaeng on pe dang na huboto piga pastina jumla ni sude marga na adong di halak batak. Marga ni halak batak di turunhon sian bapa na tu anakna dohot boruna, ale holan bapa na manangna anakna do na boi manurunhon marga I. Conto na, bapa ku marga Simbolon, uma ku marga Sinaga,gabe ma au marga Simbolon ala ni bapa ku marga Simbolon. Uma ku gabe marga SInaga alani oppungku pe marga Sinaga, ale alani boru-boru do imana dang boi uma ku manurun hon marga Sinaga tu au, boi do ta dokkon marga I habis di boru-boru.

                Sahat nuaeng on dang huboto boha halak batak na jolo boi mambaen sada sistem na tadokkon nuaeng on marga. Di marga I adong do padan na mangatur na ampuna marga dohot dongan samargana manang dohot marga na lain. Dua halak na ampuna marga na sarupa boi  jadi martondong. Contona, molo au pajumpang dohot halak na marmarga Simbolon, boi do hami gabe martondong alani na saada marga I hami.

                Adong sada padan na dang boi dilanggar sian najolo sahat sadarion, mangoli tu halak na sada marga, jadi au dang boi mangoli to boru-boru na marmarga Simbolon, alni martondong so hami sian marga i. Godang dope padan na mangatur masalah marga on ale dang mungkin hu paboa sudena alani au pe dang mangatusi hian sude padan i.

                Las rohaku alani halak batak do au, alana molo pajumpang au tu halak batak na lain, songon na leleng hutanda imana, apa lagi molo pajumpang tu halak batak na mangatusi boha martutur.

                Pengalaman na sahat sadarion tong sering do hulalahon ima molo pajumpang au tu halak batak na lain sahira na ampuna keluarga na balga do au tung pe dang adong hubungan darah tu halak i. Boi do au mangkatai manang na mambaen nasida songon dongan tubuku. Hea au pajumpang dohot halak batak na samarga dohot au ale nga songon dongan tubuku hape ipe hian do hami pajumpang. Ima pengalamn nah ea hurasahanon tentang marga on.